1984 - Hezar û Nehsed û Heştê û Çar (Ji İngilizi Wergerandin: M. Aydin Sogut)

(Nivisa Pişt Bergê) Rojeke Nisanê ya sar û sayi bû û demjimêran li yekê pişti nivroyê didan. Winston Smith, çena xwe çikandibû singa xwe û hewl dida ku xwe ji bayê kambax biparêze, di nava deriyen camin ên xaniyên serkeftinê re zû zûka derbas bû, lê leza wi disa ji têrê nekir ku ji xelekeke bablisoka toza qûmê ya ku ji devê deri ve rabûbû û bi wi re pêl dabû xelas bibe. Ji hêwanê bêhna lihaneyên kelandi û merşik û palasên kevn dihat. Li dawiya hêwanê wêneyeki rengin ê ku li gori pêşandana hundiri gelek mezin e, bi diwêr ve daleqandi bû. Wêneyi tenê rûyeki gelek mezin ê ji metreyekê ji firehtir e nişan dida: rûyê zilameki li der û dora çil û pênc sali yê bi simbêlboqên reş û xwedi bedewiyeke çort bû. George Orwell Ki Ye? George Orwell (25ê Xêve 1903-21ê Befirbara Paşin 1950) - (navê wi yê rasti Eric Arthur Blair e), niviskar û rojnamevanekê ingliz e. Herçind e ko bi rexne û têbini yên xwe yên siyasi û çandi ve gelek berniyas bû, yek ji hezkiritirin gotarnivisên wêjeya Inglizi li sedsala 20ê bû. Ev ji ber du romanên ko li salên dawi ya temenê xwe yê kurt da nivisin; Çewlika heywanan û Hizar û nehsed û heştê û çar navdar e. Berhemdari: Pirtûk Kevti û Veder li Paris û Londonê, 1933 (Down and Out in Paris and London) Rojên Burmayê, 1934 (Burmese Days) Kija Melayi, 1935 (Clergymans Daughter) Rêzgirtinek ji bo Katalonyayê, 1938 (Homage to Catalonia) Çewlika heywanan, 1945 (Animal Farm) Hezar û Nehsed û Heştê û Çar, 1949 (Nineteen Eighty-Four) Gotar Kuştina Fileki, 1936 (Shooting an Elephant) Fincaneka Xweş a Çayê, 1946 (A Nice Cup of Tea) Havriyek li Şerê Spanyayê, 1943 (Looking Back on the Spanish War) Têbini li ser Neteweperêsiyê, 1945 (Notes on Nationalism) Hozan (Şir) Hozaneka Biçûk, 1936 (A little Poem) Wergêr M. Aydin Sogut Ki Ye? M. Aydin Sogut (Wergêr), di sala 1974an da li gundê Dengizan ku li ser Stewra navçeya Mêrdinê ye hatiye dinyayê. Dibistana seretayi li wê derê xwend, şûn da ji li liseya mamostetiyê ya Erxeniya Amedê xwend. Pişti wê ji ber sedemên politik tê girtin û tê zindanikirin. Ew 28 sal in zindani ye û li zindanê giraniya xwe dide ser karê wêjeyê û wergerê dike. Berhema ber destê we wergera wi ya yekemin e. Xebatên xwe yên wêjeyi didomine.