33 Gule

Ahmed Arif di şi’ra xwe ya bi navê "33 Gule" de dibêje: "Ez hatime kuştin / Xewnên min, ji şevan taritir / Kesek napirse rewşa min / Canê min distinin bêecel / Nikarim di kitêban de bi cih bikim.""33 Kurşun / Yas Tutan Tarih" kitêba destpêkê ye ku cih dide 33yan. Günay Aslan kitêb ji nû ve di ber çavan re derbas kir. Davut Özalp wergerande kurdi û di nav weşanên Avesta de derket.Musa Anter di pêşgotina kitêbê de dibêje: "...bûyera 33 Guleyan, ku min gelek xeter dan pêş çavên xwe û li gor tiştên ku hatin gotin nivisand, ji bo ciwanên me hê bûyereke germ e. Ditina fikr û ramanên bi şeref yên ku ji pênûsên ciwan derdikevin, ji bo keseki weki min kal û rojhilati -yani kurd-, ma mukafateke ji vê mezintir heye?"Niviskar Günay Aslan ji armanca xebata xwe wiha dide nişankirin: "Ev kitêb, çiroka 33 hêvi, 33 evin, 33 mirovên ku di berbangekê de ji hêla leşkeran ve bi stemkari hatine kuştin vedibêje..."Bi vê kitêbê; min hewl da wehşeteke mezin a ku ji hêla tu qaide, ol, bir û baweriyê ve nayê qebûlkirin raxinim ber çavan. Bûyera di vê kitêbê de tê vegotin; êş û janeke kûr e, çirokek dijwar e ku nifş bi nifş tê vegotin..."