4Kotra 4Çela

Wê gote min, “Doktor; Kurdbûn, vê serdemê navê ruheki nû ye. Navê rabûnê. Raperinê. Navê xwedaweşandina teyrê hêlo ye. Ne ku tenê navê grûbeke etniki, navê nijadeke Aryani ye; naxêr, di vê çirokê de Kurdbûn ji vê pênaseyê geleki mezintir e. Çimki li vê mişara cihanê, Rojhilata Navin, tekane ruh e ku bêhna zilm û sitemkariyê neketiye giyanê wi. Pak maye. Çiraya bindest û hejaran e. Kurdbûn, vê serdemê navê heqiqetê ye çimki heqiqet ew çirûsk e ku di nav tepeserkiri û bindest de berza dibe, diçirûse. Kurdbûn ew e, hemû dinya gwizên xwe li ser dilê te dişikine, hemû dinya belam zûlek kakil ji bi ber dilê te naxe. Ev nasname hawara mezlûman e ji lew re ji navê vê hişyar û raperina me ya nû Kurdbûn e. İcar dilê min temet Kurdekê şikesti, temet Kurdekê perçiqi, temet Kurdekê azar û êşpêketi, temet Kurdekê ji serirakiri û di ber difna dinyaya bêbext re çikili. Ev bû Doktor, tenê ev!”