Abdulla Peşêw Rizgarkerê Dawi Yê Helbesta Kurdi

Peşêw yek ji stûnên diyar ên helbesta kurdi ye û ji bo têgihiştina helbesta kurdi nasina wi pêwistiyek e. Lê Peşêw ne tenê bi hunera xwe, bi helwesta xwe ya ronakbirane ji xwedi pêgeheke giring e. Ji ber vê ye ku wek siwarçakeki meydana kurdayetiyê li ser tixûbên heri berfireh ên huner û ronakbiriyê hespê xwe dibezine û navê xwe li tenişt navên Xani û Haci dikole. Lê ev tenê aliyeki wi ye, bi aliyeki xwe yê din ji noqareki wêrek ê deryaya evinê ye ku dersa xwe ji Ciziri û Nali wergirtiye û hevirê wan bi heveyna serdema modern straye. Ji vi aliyi ve Peşêw hem dibe dengeki zelal ê nasnameya me hem ji birçibûna ciwaniperestiya me bi gotinên xwe yên sêhrawi têr dike. Bi vê dubaskiyê ne êşên takekesi di nav derdên nasnameya neteweyi da ji bir dike ne ji di nav gerineka fikarên takekesi da xema hevbeş paşguh dike. Ev monografiya li ber destê we yekem xebat e ku li Bakurê li ser Peşêwi hatiye nivisin û em hêvi dikin rê li ber xwendevanên bakuri veke da ku “Peşêwê Mezin” baştir binasin û li ser dika wi ya bilind destê xwe dirêji berên edebiyata kurdi ya paşerojê bikin. Lewra nifşên iro û paşerojê bê xwendina Peşêwi û bê ku haya wan ji hunera wi ya bilind hebe dê nikaribin “alaya kelamê mewzûn” li ser banên bilindtir biçikinin. Lewra Peşêwi asta hunera helbesta kurdi berz kiriye û her kesê ku vê astê fam neke û negihije pê dê nikaribe ciheki resen ji xwe ra peyda bike. Jixwe nerita edebi ji hilmijina pêşiyan û hewla xwerizgarkirina ji bin sibera bavên kanonik wêdetir çi ye? Hilmijina Peşêw asta şagirdiya nişfên iro dê bilindtir bike û ji bo peydakirina deng û rengê wan dê ji wan ra bibe çavkaniya ilhamê.