Antolojiye Şiirane Kırmancki

Edebiyate kirmancki edi reşto yew sewiyeka başe û ma eşkenime ne edebiyati ser o teori, rexne û açarnayişan bikerime. Helbet no seba antolojiyan zi wina yo. Ma beno ke ewro seba kirmancki besenekenime şiiran goreye babetan tasnif bikerime û antolojiyane ciyayan amade bikerime labele ma besekenime goreye deman yew antoloje şiiran amade bikerime. Antoloji seba heme ziwan û edebiyatan e dinya cayeko zaf giring gene. Manaya antoloji “guldeste” yo. Xebate ke parçeyane weçiniteyane esarane edebiyan ra ena peser ra eno vatene. Antoloji bi metodane ciya-ciyayan eno amadekerdene. Antoloji seba yew edebiyati vir (hafiza) o, lilika/neynika yew ziwani yo, maceraya ma ya poetike bi xo ya. Feydayane antolojiyane şiiran e tewr muhiman ra yew no yo: Antoloji musnene ma ke heta ne dewri şiire seni qonaxane vuriyayişi ra derbaz biya û ameya reşta sewiyeya senene, se biya û şeklo senen girewto. Ez bawer kena no antoloji zi na rewşe edebiyate ma de zelal musaneno wendoxane kirmancki.