Arduda

Tevi ku ji aliyê gelek kesan ve weki çiroka dirêj an ji romana kurt tê binavkirin ji gelek qalibên wêjeyi di nava xwe de dihewine û bi mijara honaka zanistiyê hatiye nivisandin. Lehengê sereke ya pirtûkê profesor Ardûda ye ku navê xwe ji daye pirtûkê. Û kopya wi ku profesor ji xwe diafirine. Belê pirtûk ji aliyê mijarê ve gelek balkêş e ji ber ku em heya niha di wêjeya Kurdi de rasti tevn û mijareke bi vi rengi nehatibûn. Em karin bêjin li bakur belki li tevaya welêt yekem careke ku pirtûkeke bi vi rengi tê weşandin. Wexta ku bê gotin mijara fantastik, tevna fantastik ka çiqas nêzi Kurdan e û dûri vê erdnigariyê ye? Em dikarin bi hêsani bêjin ku ne dûri vê erdnigariyê ye. Ji ber ku fantastizma ku em zarokên vi welati dijin di zarokatiya xwe de ji hiş û bira me re qet ne dûr e. Ji ber ku em dikarin bêjin aferideyên deraqil ên di çirokên geleri yê Kurdi de hene cihaneke fantastik di zarokatiya me de, di serê me de ava kirine. Wexta hûteke heft seri, dêweki ziman bihost bibe mêvanê cihana hundirin a zarokeki dê ew zarok di jiyana xwe de tim lê bigere. Wexta ku ew zevt kir ji wê dest pê bike bi hiş û mejiyeke û bihayjêbûneke fantastik a kamil bûyi wê binivise.