Berfederya

“Ez bi ku ve dimeşiyam, min nizanibû. Çawa dimeşiyam ji nizanim; lê dimeşiyam. Hiş û hestê min sekini bûn. Bi tenê ajoyên min ên bingehin ên jiyanê ez didam meşandin. Dilê min bûbû milyonek perçe. Di nava xwe de ez diheliyam. Di her gavê de bi hezaran hucreyên min dimirin. Di her hilm standinê de ez dibûm ba û tevli hewayê dibûm. Ji kerba min dikir ez bimirim. Lê qewêtiyên her du hevalan ez li ser linga dihiştim. Pêwist bû ez peywira xwe bi cih binim. Pêwist bû parti ji van bûyeran agahdar bibe. Pêwist bû parti dizanibe çi bi serê hevalan hatiye. Pêwist bû heya partiyê ji çelengbûn û fedakariya hevalê Çiya hebûna. Pêwist bû partiyê girêdayin û hezkirina hevala Roda zanibûya.” Li Kurdistanê di çil salên dawin de ji ber têkoşina gelê kurd a azadiyê di her wari de cudabûnên mezin hatin jiyandin. Geh ji ber zext û zordariya dewletê bixwe geh ji ji ber pêkutiyên aliyên ku hevkariyê bi dewletê re dikin civakê zirareke mezin dit. Ji aliyeki ve birbû – na azadi û netewbûnê pêş ket ji aliyeki ve ji bûyerên bêtarif rû dan. ‘Berfederya’ bi çirok û bûyerên qewimine şahidiyê ji vê demê re dike. Têkoşinê civak çawa şiyar kir? Bi çi zehmeti têkoşin hate meşandin? Endamên di nav têkoşinê de cih girtin rasti çi hatin? Berfederya dixwaze bibe bersiva van pirsan. Geh di ‘Meşa İmraliyê’ de dema hin dibin ku dayika Dilşa nemiriye mirov behneke hênik dikşine, geh ji di ‘Berfederya’ de, di encama xiyanetê de bi şehadeta heval Çiya hêrs dibe. Berfederya dilopek ji behra jiyana me ye. Niviskar bûyerên di dem û cihên cuda de pêk hatine bi zimanê çiroki radigihine xwendevanan.