Bhagavad Gita

“Dema ku ez dikevim nav gumanan, dilteng û bêhêvi dibim û ez di asoyê de tu tirêjên ronahiyê nabinim, ez berê xwe didim Bhagavad Gitayê, li dû hevokekê dikevim ku min asûde bike û paşê pê re dikenim û xemginiya min vedireve.” Mahatma Gandhi ”Mezinahiya Bhagavad Gitayê di wê yekê de ye ku jiyana xweş û rast a felsefeya di nav din de aşkere dike.” Hermann Hesse “Bhagavad Gita nişana sistematik a geşbûna ruhani ya mirovahiyê ye. Ev, kurteya heri aşkere û gişti ye. Lewra qimeta wê ya berdewam ne tenê ji bo Hindistanê ji bo tevahiya mirovahiyê ye.” Aldous Huxley “Gita di dinyayê de ji bo fêrkariyê mezintirin çavkani ye.” Arthur Schopenhauer Gita ku bi zimanê sanskriti bi stranki hatiye nivisin, ji 700 sutrayan (ayet) û 18 beşan pêk tê. Ew di warê zimani û wêjeyi de gelek giranbiha ye. Her yek ji wan qala çendin babet û rêyan dike ku ew hevdu temam dikin. Ew hemû ji di dawiyê de ber bi armancekê ve diçin ku ew ji gihiştina bi heqiqetê û azadiya mirov e. Lewra mebesta sereke ya Gitayê azadbûna mirov e. Havina 2008an wergêrê kitêbê bi grûbeke Navenda Yogayê ya Stenbolê re diçe Zaningeha Vivekanandayê ya li Hindistanê ku li bajarê Banglorê ye. Serokê zaningehê H.R. Nagendra pir bi kêfxweşi pêşwaziya wan dike û bi bihistina wergerandina Gitayê li zimanê kurdi bi dileki germ wiha dibêje: “We hay jê heye ku we kareki gelek mezin kiriye. We Gita li zimaneki bêdewlet wergerandiye.”