Bira Qedere

Bira Qederê ji şanzdeh fotografên binemaliya mirê kurd Bedir-Xan pêk tê û bi mirinê dest bi vegotinê dike. Pişti mirina Celadet Beg êdi fotografên ku li pey wi mane dipeyivin. Jiyana wi ya ku di destpêkê de qurmiçi bû, bi carekê ve jindar dibe û vediguheze jiyaneke têkel û rengin. Di serê sedsala bistemin de, Stembola ku kozmopolit e, her texlit milet û mirovi di paxila xwe de dihewine; dibe warê Celadetê pêşin ê jiyanê. Paşê, ew ji mina gelek welati, nêz û nasên xwe dibe mişexti, ji welatê xwe bi dûr dikeve, dibe sirgûn. Saraya Osmani û Bab-i Ali, Pira Galatayê û Taxa Kadikoyê, Şerê Cihanê, kovara Hawar û Ronahiya ku dengvedana wan li Şamê deng vedide û dengê zimanê kurdi digihine çar aliyê di nê, dibe yek ji wan fotograf û sûretên berbiçavtirin ên romanê. Seranserê jiyana Celadet Beg, bi her awayi ve dibe navenda têkoşin û zanin, trajedi û evin, warê keser û berxwedanê.