Birqen Direxşan

Illuminations an Birqên Direxşan, ku ji 41 helbestên pexşan û duyên menzûm pêk tê, bê şik lûtkeya helbest û hunerkariya Rimbaud ye û yek ji giringtirin metnên diroka helbesta cihanê ye. Her yek ji van “birq”an, bi gotina Rimbaud, “xewneke tir û çapik e” û bi hev re wek kaleidoskopeke bênizam a “fenerên sihri” ne. Kawa Nemir li ser wergera Rimbaud wiha nivisiye: “Dewrê eyyam ê helbestê bi derewên “bêhejmar nifşên debengên ristebend” derbas bû, ku ‛eyan e mebest ji vê yekê ne welê bi hêsani reşkirina wê kelepora civiyayi (qewi çiviyayi heçku) ya mirovayiyê ye, lê, û, paşê Rimbaud hulusti ji wê zêya hurr û xef a helbestê de, ya zehf kêm beşerên beşerxweş ên kelamê rêya xwe bi ser xisti. Illuminations’a bi kilila zimani û poetik a şikûdar a Ergin Sertemi berceste bûyi bi kurdi bi navê “Birqên Direxşan”, va ye, delilê dadaneveya deriyê wi dewri ye û vekirina deriyê nû ye, hem bo kurdi û hem bo Rimbaud’yê ewledê gerdûnê. Û, her wiha, ev werger bi xwe, di vê serdema zimanê me de, derseke mezin e bo hemû ehlên dilpak ên zimanê kurdi yên ku xwinê ji xwe berdidin da ku metnên gerdûni wergerinine kurdi. Ne cihê gumanê ye ku wergera Illuminations’a Arthur Rimbaud bi navê “Birqên Direxşan” wergereke welê ye ku heq dike her bimine weki taca seriyan.”