Biyişa Pexemberi Ya Osman Esad Efendi ü Destpeke Edebiyate Klasik Ye Kırmancki

“Bi namê wahirê no ʻerḍ û azmin, Ke ma dest kerd bi no girwedo rengin. Şima ḥemdê xwe Ellay rê biyarin, Şew û roj qapidê ey di biqarin.” Osman Esad Efendiyê Babiji verê ney seserre bi no şekil a dest bi mewlidê xo kerdo. No gureyo rengin ewro hina dewam keno. Ma na xebata xo de mewlidê Osman Esad Efendi û çarçewaya edebiyatê klasik yê kirmancki bi ewniyayişêko akademik reyde tedqiq kerd. Xebate de mewlidê Osman Esad Efendi sey mihweri gêriyayo, babetê edebiyatê klasiki goreyê ney izah biyê. Xebate de berhemê ke goreyê ûsulê klasiki nusiyayi rêze biyê. Hêviya ma, na xebate seba xebatanê edebiyatê klasiki bingeh bo û rayiranê neweyan akero.