Çanda Çiyayi

Pirtûka Çanda Çiyayi weke ku ji nav ji diyar e, li ser çanda gundewar a deverên çiyayi hatiye amadekirin. Pirtûk balê dikişine ser jiyan û çanda berê ku êdi ji nav civakê radibe. Mirov bi rengeki zelal dibine ku civaka kurdan ya berê bêje hema her tiştê xwe bi xwe çareser dikir. Mirov dibine ku di warê çandiniyê de civak çiqas pêşketi bûye û bi imkan û derfetên xwe, xwe li ser piyan girtiye û ji bo debara jiyanê hewceyi bi tu pergal û dewletan nebûye. Mijareke din ya ku mirov xweziyê pê de dibe mijara bi hev re jiyanê ye. Bi devê kesên pir û kal behsa jiyana kominal tê kirin û mirov dibine ka civakê çawa jiyaneke kominal bi hev re derbaz kiriye û di her warê jiyanê de bi alikariya hev û du li hemberi zor û zehmetiyan pirsgirêkên xwe çareser kirine û li ser piyan maye. Disa mijareke din ya gelek giring mijara têkiliyên insani ye. Mirov dibine ku di wê jiyanê de insaneti, heskirin, dostani li pêşiya her tişti ye. Ango manewiyat gelek li pêş e, maddiyat gelek li paş e. Mijareke din ji ya heri mirov biber kûrahiyê ve dibe, jina kurd a wê demê ye. Ev jinên kêrhati afiriner, wêrek û xwedi huner bûne ku di her hêlê de jiyan afirandine. Her çiqas devera Oremar esas hatibe girtin û berhem ji devê pir û kalên wê herêmê pêk hatibe ji, ev berhem eynika hemû deverên din ên çiyayi yên Kurdistanê ye. Ji ber ku jiyana çiyayi ya kurdan xar û jor li her derê weki hev e. Mijareke din ya giring peyvên kevnar in ku di vegotinên pir û kalan de xwe dane der. Ew peyv bêje hema di tu ferhengan de tune ne. Ji ber wê di dawiya pirtûkê de ferhengokek dewlemend hatiye amadekirin. Pirtûk bi wêneyên rengin hatiye xemilandin û rengin hatiye çapkirin. Ev berhem ji bo naskirina jiyan û çanda gundewar a deverên çiyayi berhemeke heri baş sûdewer e.