Çarşema Reş

Ev berhevoka panzdeh çirokên resen bi sê taybetmendiyên xwe ve derdikeve pêş: Ji aliyê jineke kurd ve hatine nivisandin, niviskar rewşenbireke rojhilati ye û çirokên wê bi çavên jineke kurd a rewşenbir hatine hûnandin. Nimûne û moçikên berhemê ji jiyana rojane hatine hilçinandin û li ser tevna kurteçirokê hatine raçandin; di encamê de wêjeyeke civaki ya rexnegir di qalibê bûyeran de hatiye rokirin. Bêguman ev çavdêra civakê ya ku istiqameta herka avê dişopine, jineke cihanbin e û ji vê dimenê piri caran bi ser navê kesê sêyem imze û mora xwe li binê nirxandinan datine. Çirok hem êş û janên civakê vedibêjin hem ji başi û kêfxweşiyên heman jingehê bi zimaneki rewan i mina filmekê di ber çavan re kaş dikin û li pey xwe çêjeke rojhilati ya xwezayi di bir û hişê xwendevani de dihêlin.