Ceribinek li Ser - Hevoksazıya Kurmanci

Ji ber ku ev xebat di mijara hevok û hevosaziya Kurmanci de xebatek nû ye û li ser vê mijarê di paşeroja diroka Kurmanci de berhemên kûr û berfireh nehatine nivisin, bi taybeti di serenava berhemê de peyva cêribinê hat bikaranin. Ji Celadet Bedirxan bigire heta iro, di berhemên li ser rêzimana Kurmanci hatine nivisin de di cureyên peyvan de û her wiha di gelek mijarên rêzimani de konsensusek çêbûye. Lê dema mijar hatiye hevok û hevoksaziyê an berhem qediyaye an ji li ser vê mijarê çend hevok hatine gotin û mijar qut bûye. Di berhemên ku li ser rêzimana Kurmanci hatine nivisin de, bi nêrineke berfirehtir û bi awayeki gişti li ser gramera Kurmanci hatiye rawestandin; lê di vê xebatê de, di ronahiya rêzimana Kurmanci de, bi nêrineke monografik li ser komepeyv, hevok û hevoksaziya Kurmanci hatiye rawestandin. Ango ev berhem, berhemeke rêzimani ya berfireh nin e; ji ber ku bi tenê di mijara hevok û hevoksaziyê de bi kûrahi li ser hatiye rawestandin, ev berhem bûye berhemeke monografik.