Cihu Sebareya Zindane - I

Temenê min dihate çil û çaran. Di van çil û çar salan de gelek xewn û xeyalên min ên xweş çêbûbûn. Lê van xeyalên min tevan, li gori demê, her car ci diguhertin. Geh diketin pêş, geh diketin paş de. Tenê xeyaleke min hebû ci nediguhert, herdem di pêş de bû. Ew ji ditina Memo bû. Di kêlika ku ez li ber mirinê bûm ji ew yek di bira min de bû, lê disa ji bêbaweriyek dizoke di kendavên dilê min de hebû ku herdem bi pistepist di guhê min de ji min re digot: “Xwe nexapine, tu careke din nema wi dibini!” Êşa min a heri mezin ji ji vê yekê bû. Dijminê min ê heri mezin ji ew bû. Niha, ez ji wan her du kabûsan ji rizgar bûbûm. Bi kêmani min wisa his dikir, tiştê di dilê min de ji ew bû.