Cindoyê Gavan

Cindo di jiyana xwe ya dûvedirêj de gelek salên nexweş derbas kirin. Mamê Cindo meriveki mektep û medrese nediti bû. Lê belê weke cirokbêjeki serwext di jiyana wi de çi ditibû yek bi yek di bira wi de bû. Meriv digot, mamê Cindo yeki xwendi ye. Em piçûk bûn, diçûn cem wi rûdiniştin, ji me re behsa gelek tiştên di serê wi re derbas bûne, dikir. Behsa cendirmeyên Romê dikir. Cendirme çawa hatine gund, bûne mêvanê muxtêr, Çawa qerewilê gund şandine pey wi bi zimaneki çirokbêji yê şirin digot. Me bi hewes û heyran guhê xwe dida wi. Min piçûkti meraqa van tiştên wiha dikir. Te yê bigota ez ê bikevime devê Mamê Cindo, min ew qas bala xwe dida wi, guhdari lê dikir..