Çiroken Zindane

Ez hêvi dikim ku hûn ê ji vê pirtûkê hez bikin. Bêguman derdên me, êşên me, kul û kederên me ji hene. Lê ji van pirtir hêviyên me, hezkirinên me, hesretên me hene. Hûn ji dizanin, jiyan ti cari nasekine û sekinin li jiyanê nayê. Em wek girtiyên politik êşên xwe dikin hêz û meşa xwe ya azadiyê berdewam dikin. Lewra ji berpirsiyarên zindanê li me heyiri diminin. Car caran dipirsin, “Gelo hûn çima ewqas bimoral in, hûn vê hêza xwe ji çi digirin?” Bêguman em hêza xwe ji dayikên aştiyê, ji dayikên şemiyê digirin, ji nirxên xwe û birdoziya xwe digirin. Belê hevalno, ev pirtûk bi derfetên biçûk lê bi hêviyên mezin derket holê. Me careke din ji dit ku piştgiri, hevalti, rihê kolektif û hevpar diwarên zindanan bê wate dikin. Em dizanin ku gelek hevalên me yên di zindanan de gelek pirtûk nivisandin, berhemên giranbiha derxistin holê. Bila hemû kes bizanin ku zindan ji bo me ne cihê razanê ye. Em dizanin yek bi yek derketina me ya derve ne çareseri ye. Hewce ye ku em pergala xwe ya demokratik ava bikin û deriyê zindanan bi temami bigirin. Ew roj zêde ne dûr in, weki helbestvanê hêja Adnan Yücel ji dibêje, “Heya ku rûyê erdê bibe rûyê evinê,” em ê li ber xwe bidin. Ez silav û hezkirinên xwe ji bo xwendevanên biqimet dişinim. Bi hêviya rojên azad. Biminin di nav xêr û xweşiyê de. Berxwedan jiyan e. Leyla Güven