Dare Şikesti

Ez nizanim bê kengê ev peyva liberal ket nav siyaseta kurdi, min tu agahi û lêkolin li ser vê yekê nekiriye û neditiye. Ji wêrekiya xwe ya cahili dibêjim, belki mirov karibe vê peyvê bi Necdet Gundem ve girê bide. Qet nebe em behsa helwest û bizavên liberali bikin teqez divê navê cenabê wi bê hildan û li şopên wi bêne raçavkirin. Lê belê di nav vê kurtediroka liberalizm de lazim e mirov wi û pseudo-liberalizmê ji hev cihê bike. Di vira de em ê xwe bispêrin rêgezeka wi ya din ya bi navê "takakesi (takexwaz)". Bi rasti û bi gişti ev rêgeza takexwaz rêgezên xwerexnekirin û eşkerebûnê ji dikare di hundirê xwe de bihewine ku ev rêgez di temamê jiyana wi de şêwe daye helwestên wi. Her weki din, disa tiştên sereke ku wi û kesên siyasi ên wê demê ji hev cihê dikin di bin siwana vê rêgezê de dikarin kom bibin: pêşbiniya wi kiriye ku ji kom û girseyan zûtir bifikre û tevbigere, her û her bi serê xwe fikiriye (bi fikrên deynkiri tevnegeriyaye), tu cari nehiştiye ku fikrên wi di bin wesayetê de bimine ku ev ji azadiya fikri û qabiliyeteka derbirinê lê zêde kiriye.