Denge Pepüke

Bêjeya Kurdi da İlonek Nû Payiz, ji her demsalekê parekê diniziline nav zemaneki kehribar û vi zemanê kehribar ji hemû zemanên din diqetine. Lê tew wext İlona payizê be, di vi zemanê kehribarê nizilandi da hê xweşiktir dibe xweza di her kirasê guhertinê da. Li hev dikele ronkayiya hivê, hewşên qonaxên vala yên bi xem, bêhna xweliyê,mirmira çeman, siya darên kehribar û kulamên bayê. Xweza hew dibe wek livek bêdawi, ji payizê heta payizekê.. Di bêjeyê da lêgêrina tişteki nû bi qasi guherina demsalan xweşik û balkêş e. Lê guhertina demsalên di bêjeyê da ji guhertina demsalên xwezayê zêdetir diajo.Carna ew qas hini sar û sermayê, vejina bi kelecan, kelkela germê dibe xwe nagihine wi zemanê kehribarê nizilandi yê ku ji hemû zemanên din hatiye qetandi. Ancax ji vê xewê tevlihevbûne mezin û şopa wê kûr dikare ber payizê , ber bi İlona Nû bibezine. Di heyam û zemanên pêsirtengiyê û kaotik da bêje û bêjekar ji bo ku kelamê bixelisine ji vê pêsirtengiyê li rê û dirbên nû digerin û dikevin vê ttayê.Haikûyên İlona Nû yên Ulku Bingol ji di Dengê Pepûkê da ketiyê vê tayê û vê bi xwiner dide hiskirin. Dest ji a kevn ber dide û bi hespê İlona Nû dikeve rêyek nû, şêwazek nû, estetik nû, hêmayek nû.Dibê nefret e zeman û li hember vi zemani dide dû zemanên din.