Derza Dile Min

Lehenga sereke Malin di nav agirê evinê de dişewite. Evina ku ji nişkê ve derketiye hemberi wê, tavilê ji jê bi dûr ketiye. Ew bi nameyan dilê xwe ji Alanê hezkirê xwe re vedike, bi gotinan evina xwe ya bêpivan radigihinê û di cihana xeyal û fantaziyan de pê re jiyaneke pak, romantik û bêsinor diji. Lê name yekali ne. Gelo name li ciheki dialiqin? Çima Alan bersivê nadê? Malin li ber Alan digere: “Tenê du gotinan ji min re bişine, çi dibe, ez stûyê xwe li ber te xwar dikim, destên xwe li ber te vedigirim û parsektiya du gotinan dikim. Serê min bişikine, milên min bişikine, lê ji bo Xwedê Alan, dilê min neşikine, du gotinan ji min re bişine...” Derza dilê min derzekê li dilê mirov dixe û şopeke kûr li dû xwe dihêle...