Deste Min Li Deste Te Digere

Berhevoka şi’rên Mehmet Tanrıkulu ku bi navê Mem Ronga tê naskirin, “Destê min li destê te digere” derket. Berken Bereh, li ser Mehmet Tanrıkulu (Mem Ronga) û helbesta wi dibêje: “Mehmet Tanrıkulu (Mem Ronga) yek ji wan niviskaran e ku bi tevayi van xisletan di berhemên xwe de bi hostayi bi cih kiriye. Wi, berê robarê helbesta kurdi -ku xwêrnexwaz û dagirkerên vê xakê bendavek li berê ava kiribûn- ji nû ve da wân newal û geliyên bi şehwet li benda wê bûn. Mem Ronga di têkoşin û hewldana xwe de yek carê bi tenê ji xwe nesipart populariteyê û vegotineke erzan. Wek derwêşeki bi efsûn da dû raz û mirateya belaxeta zimanê bavûkalan. Mem Ronga di avakirina helbesta xwe de bi azadi tevgeriya. Bi her helbesteke xwe reseni û xweseriya xwe şani me da. Her bi surprizekê li deriyê helbesta kurdi xist. Ziman, duruv, teşe û vegotin di helbesta Mem Ronga de wek notayên stranekê bi harmoni di têkiliyê de ne. Ji ber hindê di dawiya helbestê de peyam wek stêrkekê diçirûse di hiş û giyanê mirov de. Bextewari û dilşadi bi hêmini di bedena mirov de dikeve livbaziyê. Mem Ronga, bi helbestên xwe, ew mêzina xerabbûyi ya hevahengiya di navbera insan, xweza û civatê de li qelem da û hêviya me ya ji bo dahatûyeke adil û dirust gur kir. Sekn û helwesta wi ya li hember bêesilkirina nirxên mirovahiyê ya stemkaran, bilindragirtina heysiyeta insani û “bira me ya nivxilmaşi” li hin reng û deng û nexşên, ku idi wek stêrkeka dûr diisin, diwarqiline.”