Destpeka Edebiyata Kurdi

Welê dixuye û tê zanin ku xebat û tevgerên edebi yên Mehmed Uzun, bi qasi romanniviseriyê di warê lêgerin û lêkolinên edebiyat û çanda kurdi de ji berbiçav in. Destpêka Edebiyata Kurdi, di warê lêkolinên edebiyata kurdi de gaveke hûr û kûr û nûjen e. Mehmed Uzun di vê kurtelêgerê de, li ser edebiyat, niviskar û şahirên herçar parçeyên kurdistanê yên xuyayi û nexuyayi ne radiweste û bi zimaneki sade û herikbar yê edebi qala wan, xebatên wan û berhemên wan dike. Edebiyata Kurdi mixabin ku geleki wext her êş û azar kişandiye û bêgav maye, lê belê tevi vê yekê hemû kesp û kosp, keft û leftên hewçend dijwar dane pey xwe û heya roja me hatiye û hêviyeke xurt bi xwe re aniye. Destpêka Edebiyata Kurdi, heye ku mina berhemeke kin û kurt bixuye; lê belê ew bi naverok û agahiyên ku di nava xwe de hewandiye, hêja û balkêş û dagirtiye. Ew dê bi van taybetmendiyên xwe her tim rewacdar be û herweha ew dê rê li ber nivisar û xebatên akademik yên edebiyata kurdi veke.