Dılopek Berxwedan

Di pişt wan diwarên sar ên zindanan da nivisandina her peyvê werdigere berxwedanekê, ya her hevok û rêzê ji dadigere coşa azadiyê. DILOPEK BERXWEDAN ji şahidiyek xurt a berxwedan û têkoşina hebûnê ya takekesi ya di bin şert û mercên heri dijwar de ye. Ev berhem ne tenê rêzeyek biraninan e; ew di heman demê de awêneya serdemekê ye ji. Kemiran Reşid Bekir wan trajediyen ku di zindanan da di bin şert û mercên dijwar de hatine jiyin, wan kêliyên ku mirov bi rûmeta xwe hatiye ezmûnkirin û wan jiyanên ku mişt bi kela azadiyê dagirti bi rengeki kûr û jidil radixine ber çavan. Ew ji aliyeki ve çirokên wan mirovên ku di bin şert û mercên heri dijwar de hêviya xwe parasti vedibêje; ji aliyeki ve ji hêza li berxwedana kolektif bi bira mirov dixine. Di pirtûkê da têkoşina geleki ya ku di vebira takekesi û civaki de bi cih bûyi hatiye tomarkirin û hatiye nişandan ku bê ka rihê mirov di tariyê de ji çawa xwe li ronahiyê digire. Çirokên piştgiri, fedekari û lehengiyê yên di pişt perdeya jiyana rûtin a zindanê da ji deriyên hesin derbaz dikin û heçko dibêjin: “Em hene, em li vir in û em dê ti carê dev ji têkoşina xwe bernedin”. Ev çirokên berxwedanê yên ku wek diyariyekê pêşkêşi têkoşina geleki hatine kirin, herçiqas ji ezmûnên takekesi hatibin dawerivandin ji ji aliyê çawaniyê ve ew him wek belgeyên diroki ne, him ji rê li ber xwe lêpirsinkirina mirov vedikin û bi bira mirov dixinin ku hêvi di bin şert û mercên heri dijwar de ji şin dibe…