Diwan - Melaye Cıziri

Zana, feqi û melayên Kurd li pê xwe bi sedan destxet hiştin, çi destxetên Kurdi yên nezmê û çi ji yên pexşani. Bav û bapirên me yên li medreseyan ji me re ew gencine hiştin û me ji berhemên stêrkên wêje û zimanê Kurdi bi rêya wan destnivis, keşkûl û beyazan nas kir. Destnivisên Kurdi girêdaneke ruhi û pêwendiyeke giyani di navbera nifşên berê û niha de ava kirin. Bi saya keşifkirina van destxetan, iro em dizanin ku ziman û wêjeya Kurdi çendin rengin û dewlemend e. Di diroka wêjeya Kurdi de ji nav helbestvanên me yên klasik para heri mezin ji hêla destxetan ve ya Melayê Ciziri ye. Fener Rojbeyani li ser bingeha keşkûla Mir İsmail Paşayê duyem ev Diwana Melayê Ciziri li gel tipguheziya Latini amade kiriye. Rojbeyani di berhema xwe de hem danasina keşkûla Mir İsmail Paşa dike hem ji derbarê nerita destxetan de lêkolineke berfireh pêşkêş dike.