Diwan - Wefayi

Wefayi, Mirza Ebdulrehimê Sablaxi, yek ji helbestvanên wêjeya klasik a Kurdi ye. Ew weki nûnerê rêbaza Nali ya helbestê yê li devera Mukriyan tê qebûlkirin. Di helbestvaniya Wefayi de bandora Nali û Melayê Ciziri û heta radeyekê ji ya Feqiyê Teyran diyar e. Helbestên Wefayi bi dilsozi û taybetiyên xwe yên hestnazik tên naskirin. Ew gelek hêsan û sade ne ji bo jiberkirinê, ji lew re ji helbestên wi ji hêla gelek hunermendên Kurd ve hatine xwendin û strandin. Helbestên wi di xaneqa, medrese û hucreyên Kurdistanê de li ser zimanê telebe û feqeyan bûn, bi taybeti li Xaneqaya Nehrê û li Medreseya Sor a Mehabadê. Diwana Wefayi ya ku bi destê lêkoliner Fener Rojbeyani ve hatiye amadekirin zêdetir ji xezel û qesideyan pêk tê. Ew qeside û xezelên di nav diwanê de nimûneyên hêja yên pêncini û pêncxiştikan in. Wefayi di helbestên xwe de pişta xwe daye birgeyên xwemali yên Kurdi û bi sistema birgeyan ezmûna xwe ya wêjeyi xurt, dewlemend û rengin kiriye. Fener Rojbeyani di vê berhemê de cih dide jinenigariya Wefayi, jiyana wi bi ser sê qonaxan ve dabeş dike û agahiyên bi hûrgili pêşkêşi xwineran dike.