Diwana Binefş

Ey dilberê pir şêrinê tu hêjaya her dilbera Nazik û gewr û şepalê, maşuqa dilê dildara. Zulf û biskên reş û belek li ser dêmanê sor guli Awurên tûji wek tiran disojin merg û dili. Ji ber derya evina te, ketin em ber mewc û pêlan Bi vê janê me burandin. zeman û hêwan û salan. Şev û rojên me derbasbûn. bi azar şin û xiyalan Nebûn jovan ji vê jinê, jina xwe dan gor û kêlan. Te agir kirye nav dilan, herdem xeribi biyani Bi qeydan tem kirin dilê, her du çavên ji kevani. Reşbelekin çav bi heybet, nagrin ji kilên sibhani Jar û xemgin û pir û kal, te em kirin bi hêsani. Di cihande hebû me can, rih ji te re kir diyari Keyf û şahi me qed nedit herdem bi êş û kuldari.