Diwana Mela Ebdulfettahe Hezroyi

Di edebiyata klasik de ji wan berhemên heri giring û taybet yek ji diwan in ku ev berhemên ku bi navê diwanê tên binavkirin him ast û qaliteya berhemê û him ji dewlemendi û pêşveçûna wêjeyê û taybetiyên serdem û heyama ku lê hatiye nivisandin ji nişan didin. Diwan ji bili van taybetiyên xwe bi heman awayi şexsiyet, ziman, uslup, şêwaz, dewlemendi û edibbûna xwediyê xwe ango niviskarê xwe ji kesên derdora xwe re didin nasin. Heta niha gelek berhemên ku aidi edebiyata klasik in ji teref cûrbecûr niviskar û lêkolinêran ve hatin tahqiqkirin û ev berhem disa bi heman awayi ji teref cûrbecûr çapxaneyan ve hatine çapkirin. Disa ji bili van berhemên çapkiri di van çend salên dawi de bi wasitaya beşên lisansa bilind ên ku hatine vekirin gelek xwendevanên jir û hêja berhemên ku heta niha nehatine lêkolin û çapkirin amade kirin ku ev yek ji kêfxweşiyê dide kes û mirovên ku bi edebiyata Kurdi re mijûl dibin. Lê belê ev xebatên ku heta niha hatine kirin ne bes in, lewra tê zanin ku hêj gelek berhemên ku weke giyayên ku nederketine ser rûyê erdê û di bin keviran de mane û şin nebûne hene. Divê ew berhemên bi qedr û qiymet ên ku heta iro nehatine ditin û naskirin ji ji bo bên naskirin û ditin xebatên jêhati bên kirin da ku qedr û qiymeta Edebiyata Klasik a Kurdi çêtir bê zanin û zêdetir xwedi lê bê derketin.