Dizen Nasnameyan

Diz her tim li dû xwe hin tiştan dihêlin, kesên ku zanibin çi ji wan hatiye dizin bi hestên tolê dikevin nava bizavan, yên ku nizanibin çi ji wan hatiye dizin, valahiyek xwe li wan digire. Di jiyana wan de her tim ev valahi xwe bi wan dide hiskirin. Kengê rasti hin sedeman dibin, pirs li ser hev tên hişê wan û dikevin nava lêgerina bersivan. Jixwe li ciheki pirs hebe, li wir pirsgirêk ji heye. Xwegihandina bersivan ne hêsan e, gelek caran lêgerin ji bes e ku mirov nav li wan hisên xwe bike. Wê demê mirov pê derdixe ku jiyana diji ne ya wi ye. Ez zanim ji min çi hatiye dizin û li van çiyayan dixwazim tola xwe hildim. Lê pêşiya zaninê ez ji di merheleya binavkirinê re derbas bûm. Hatina min a van çiyayan ji ber van e. Gelo tu dizani diz çi ji te dizine? Pirs beri bersivan, bersiv ji di nava lêgerinê de xwe diniminin. Tu li dû rastiya diya xwe ketibi ji ji bir neke ew rasti di heman demê de ya te ye. Di esas de tu li dû rastiya xwe keti. Yên me ji gelek sedemên me hene, lê ya giring xwegihandina wateya van hestan e. Di nava axaftina xwe de min behsa tolê kir, vê ne di wateya kuştinê de, di wateya hestan de esas bigire.