Dövletin Açarı - 1

Müəllifin ilk kitabı etnoqrafik olsa da, digərləri tarixi mövzuda yazılmış əsərlərdir. Onun “Lahıc nağıllı dünyam”, “Fələklər yandı ahimdən”,”Məhəmməd bəy Kavaler”, “Qızılgül ətri”, “Səadət”dən qopan qorxu”, “Taclı Bəyim”, “9 sevdalı”, “Tay sırğa”,” Son mükafat” və “Zöhrə ulduzum” adlı kitabları oxucular tərəfindən rəğbətlə qarşılanıb. 3 cilddən ibarət olan “Dövlətin açarı” romanı macəra janrındadır. Tarixi mənbələrə istinadən Azərbaycan ərazisində yaranmış qədim dövlətlər, qurucuları, çoxlarının adı xalqımıza məlum olan və olmayan hökmdarlar, sərkərdələr, elm, incəsənət, ədəbiyyat sahəsində öz sözünü demiş insanlar haqqındadır. Kitabda baş verən hadisələr bizim eradan əvvəldən başlamış ta 1828-ci ildə imzalanmış “Türkmənçay müqaviləsi”nə qədər olan dövrü əhatə edir və Azərbaycan Milli Elmlər Akademiyasının Arxeologiya və Etnoqrafiya İnstitutunun aparıcı 3 gənc elmi işçisinin tədqiqatlarından bəhs edir.