Duşema Rengin

Duşema Rengin tevnsaziya xwe li ser pira zirav a di navbera “Vin” û “Evin”ê de dihûne. Dem, dema Şerê Kobaniyê ye û Şoreş şervaneki wi şeri ye. Esmera hezkiriya Şoreş, dide ser şopa şoreşa di xeyala xwe de û Şoreşê di dilê xwe de, berê xwe dide wi aliyê sinor. Êdi fincana qehweyê li ber Şoreş û Esmerê ye û ew li ber ezmûneke giran in. Loma ji Duşema Rengin esas waryanteke modern a destana Derwêş û Edûlê ye. Lê Esmer mina Edûlê çav li rêya Derwêş namine; şopa Şoreş dajo, derbasi binxetê dibe, dibe şervan, ew û şoreş mil bi mil şer dikin da ku çarşemên reş veguherinin duşemên rengin… Tevi ku roman qala şereki di diroka me ya nêz de û li ber çavên me qewimi dike, Sidar Jir bi arami û sekaniyeke rewşenbiri pênûs hildaye, hemû kerb û hestiyariya xwe daniye hêlekê û bi zimaneki henûn, bi sebreke mezin û ritmeke rewnaq metneke têrhêmayi û têredebi pêşkeşi edebiyata Kurdi kiriye.