Efsüna Awaza Zilane

Hewa sar û seqem bû. Berfek pûk li ser serê wan dibari. Serma bû; zikê wan birçi, laşê wan ji westiya bû. Vina wana xurt û hêviyên wanên germ hêz dinuqutan lingê wan. Di vê meşa dijwar de ne sarbûn ne birçibûn û ne ji rehtbûn ji wan re nedibû asteng. Weke ku li ber def û zirnê govend were girtin bi coş û kelecanek bilind rêz bibûn li dû hev dimeşiyan. Lingên bi ritmek berbiçav bi hev re diliviya. Baya hişk, barina berfa pûk, bahozek dijwar avakiribû, her der weki mijê di nav toz û dûmanê de mabû, mirov pêşiya xwe nedidit. Hêlm û germa ku ji devên wan radibû ji, ji vê hewayê re hevbari dikir…