Esargeya Şemuge

bêtikan reng û sewta mirina wan belav kirin zarokan guhê diwarên kolanan bi tilikên xwe qul kirin ji ber hêrsa dayikên wan tax û semtan yek bi yek bi hev re civan kirin bajaran dilanên mezin ava kirin keç û xortan qelaqûçik hine kirin xwe bi tolê bi nav kirin stran û destmal li ba kirin def bi gopalan gindir kirin hespên rewan ingir kirin di biharan de karwanên revo ji bo şopê bi rê kirin… “(Helbestkar û Çiroknûs) M. Çiya Mazi kirasê vebijêriyê li xwe kiriye û li ser Şêmûga Esargeyê rûniştiye tevi zarok û ciwanên li dorê civiyayi; ji zemaneki em pê dizanin-nizanin, ji erdnigariyeke em pê dizanin-nizanin, bi zimaneki em pê dizanin-nizanin di nav serboriya temeneki de behsa destanên qewmeki em pê dizanin-nizanin dike; bi sewteke nerm û hanûn helbestê dike çirok, çirokê dike helbest û wek bêje temiya min li we; her yekê dixe nav destê zarok û ciwanên li dora şêmûgê rûnişti.” Welat Dilken