Estanikanê Diyarbakiri ra Guldesteyêk

Estaniki edebiyatê ma yê vatişki ra yew kategoriyo muhim o. Seba ke nesil bi nesil ameyê vatiş û hetê şixulnayişê ziwani ra kristalize biyê coka semedê şinasnayişê sistemê ziwanê ma zaf muhim ê. Heto bin ra, seba ke estaniki cûya şari, pirensibê exlaqi yê mileti; erf û edet, meharet û qa biliyetê vatişki, xûy û xulq, keyf û zewq, xeyal û waştiş, ters û endişeyê şari zi nişan danê coka semedê şinasnayişê sosyolojiyê şarê ma zi muhim ê. Eno kitab de vist estanikê ke hina zaf derûverê Licê de yenê vatiş estê. Ninan ra çend hebi semedê tutan ê, êyê bini xitabê pilan kenê. Destpêkê kitabi de zi yew nuşteyo ke derheqê xisûsiyetê estanikan de nusiyayo esto.