Eyşe Şan

İhtimaleke mezin, ew hevokên bi “Ez Eyşe Şan im” re dest pê kiribûn, ne ji bo nivisandina jiyanekê bûn lê her gotineke ku li pey wê hevokê rêz bûn, ji me re behsa çiroka hunermendeke jin -Eyşe Şan- dikirin ku ew bêwestan li pey dengê xwe diçû. Bêguman gelek zehmet e, weki zarokeke keç li nava malbata lê hatiye dinê, paşê weki jineke ciwan, weki dayikekê, weki hunermendekê û di gelek nasnameyên din de xwe bi cih bike. Di ser wan hemûyan re nasnameya wê ya kurdbûnê ji lê zêde bûye û zehmetiyên jiyanê lê dijwartir kiriye. Hin deng û gotin xwedi wê qudret, hêz û şiyanê ne ku dikarin heta hetayê mayinde bin, tovê wan dengan li ebediyatê hatine reşandin. Dengê Eyşe Şanê yek ji wan dengan e ku dê her û her li ser esman olan bide. Ew bi fiziki ne li cem me ye lê ew sewta wê ya xweş dê her bi me re biji.