Guldesteyek Ji Baxe Rewane

Di dema Sovyetistanê de li Ermenistanê civaka kurdan ji bo dibistanan pirtûkên dersan amade kirine. Zarokên ku diçûn dibistanê bi saya van pirtûkan bi kurmanci xwendine û nivisandine. Di van pirtûkan de çirok, metelok, helbest û tiştên din ên kurdan hebûn. Li hêlekê ji di van pirtûkan de fikra sosyalizmê hebû. Behsa hejariyê, sedema vê hejariyê, başbûna sistema sosyalizmê û rizgarbûna gelan hebû. Erebê Şemo, Heciyê Cindi, Eminê Evdal, Casimê Celil, Cerdoyê Gênco ev pirtûk bi hevkariya niviskarên ermen ên weke H. Mikirtçyan, G. Zenyan û R. Drambyani amade kirine. Di van pirtûkan de heman kesan çirokên xwe weşandine, çirok û helbestên niviskarên kurd û ermen çap kirine. Her weha ne tenê yên xwe weşandine, çirokên Gorki, Çexov, Tolstoy, Tûrgênyêv, Tûmanyan û gelekên din wergerandine.