Hema

Berhema ku cureyê wê helbest e, ji helbesteke dirêj a pexşani pêk tê. Pexşan bi aliterasyon û asonansan, bi dubarekirina peyv û hevokan tehmeke ji helbestê ji helbesttir dide xwendevanan. Di pirtûkê de sê beş hene lêbelê her sê beş ji li ser esaseke helbestekê amade bûne. Naverok bi temami evin e lêbelê di nav vê evinê de hesret, feqiri, bêriya zarokiyê, bajarên cuda, jiyanên ji rêzê, moderniteya hemdem û gelek imajên din ketiye nav rêzikan. Helbest ji çar beşan pêk tê: “rasterast evin e ev”, “rasterast birin e ev”, “rasterast nalin e ev”, “çend zêmarên ji bo porên Hêmayê”. Bi van beşan Demir behsa destpêk û dawiya eşqeke dirêj dike. Di pirtûkê de Hêma navê keçeke Soran e. Ji ber ku di rûpelên pêş de ji hatiye nivisandin, diyar e ku ev helbest di navbera salên 2013-2021’an de hatiye nivisandin. Demir bi vê pirtûkê imajên cuda bikar aniye û helbest bi şêwazeke nû afirandiye. Di vê berhemê de helbest car caran bi terzeke ironik, car caran bi ifadeyên şizofrenik hatiye nirxandin. Herwiha Demir di gelek beşên helbestê de bi zimaneki “dinan” gotina xwe honandiye. Tişteki cuda ji ev e ku di rêzikan de peyvên herêmi yên Serhedê derdikevin pêş me. Helbestkar; ne zimaneki ku di wêjeyê de “serdest”, zimaneki ku term û gotinên Serhedi dihewine bikar aniye. Hêma di hin beşan de bi qasi gotina dengbêjeki sade û sivik, di hin beşan de ji bi zimaneki giran hatiye nivisandin lêbelê helbestkar ji bo helbest herikbar be geleki xem xwariye. Ji pirtûkê; Ez ku birevim ez ê çiya bi çiya ber bi te va werim! Ez ê bi dengê xwe ‘ezmên biqelişinim li te bigerim Hêma! Ez ê porê xwe verojim, ez ê jehran bikojim, bikujim ez ê Hêma, ez ê behran bikujim! Lê ez êdi ne mêr im. Êdi baskên min bi min ve dizeliqin. Kenogiri dibim gava libên hinareke sor belav dibin. Li tev deveran belqitiyê kulê me ez. Dergistiya min a mirinê ye êdi jiyana li ser milên min. Tûûû tûûûû! Min heft salan da bûkekê Ew ji çû bû yara xelkê… Divê vebêji Hêma Ji bo min wê çirokê; rasterast nalin e ew.