Hikayeye Hewn U Hişyari

"Dêsê keyeyê ma zi sey dêsanê zafaneyê keyeyan sey yew goristanê bêherre biy. Emrê bêmiradi dêsan ra zeliqiyayibi û mendibi. Seke dêsi biwazê fekê xo akê û qisey bikê la ê zi sey çarçewayanê bêruhan mat bibi û mendibi. Dêsan ra bêvengiyêk vila biyêne zereyê keyeyi. Zafi reyi bê vateyêk, ma zi sey ê çarçewayan bi saetan a matmenda mendêne. Sey fotografanê ke dêsan ra zeliqiyayibi, ma zi seke alemêkê bini ra bizeliqi û bimanê.” "Wexto ke cereyan ame û daya mi sindoqa xo qefelna tena ê heme fotografê ke bi serran a zereyê sindoqa aye de nimite biy, mi vir de biy. Heme ê fotografê ke zereyê sindoqan de nimite mendibi. Heme ê fotografê ciniyanê ke zereyê sindoqan de û tûnika camêrdan de nimite mendibiy û şikiyaybiy. Beno ke sey ciwaniya inan, sey xasekiya inan û cuya inana ke zereyê keyeyan de nimita mendibi…"