Hêlina Sar

Li welat ji bavê min re Emê digotin, ji di-ya min re carinan Seyrê, hinekan ji Seyro digot. Wexta ku em li Stenbolê bi cih bûn, navê bavê min bû Omer axa. Navê diya min ji bû Seyran xanim. Kesi nikaribû navê xwenga min bigota, navê wê ji danibûn Zaide. Jixwe navê min Miho bû, bavê min ev nav li min kiribû. Wexta ku em hatin li Stenbolê bi cih bûn êdi kesi bi navê Miho gazi min nedikir. Ez pê bawer bûm ku em ji welat dûr ke-tin, navên me ji ji me dûr ketin. Navên nû li me kiribûn. Bi min van navan li me nedikir lê gelek wext derbas nebû, navên nû li me xweş hatin. Bi pirani li dê û bavê min… jixwe Miho, Emo, Seyro, Zezê; ev navan li van de-ran qet tune bûn.