Jan

Jan Ji Weşanên Lisê Derket! Salên 90’i. Pişti derbeya eskeri a İlona sala 80’yi. Li Bakurê Kurdistanê. Ligel şerê taybet, meşandina şerê qirêj, li pêş çavan desteserkirin û şopwindakirina Kurdan. Rêxistinên tari û kujerên ji kûrahiya dojehê hati. Salên bi seqaya tirs û xofa mezin rapêçandi. Li Amedê, li derdora dersxaneyekê berfirehbûna bûyerine nasyar. Jiyana rojane a Selim, Wedat, Gulistan, Perixan û hinên din çawa nola hemû hemwelatiyên Amedê bi awayeki xwezayi dawiya dawi dibe armanca rêxistinên tari. Destêwerdana sixûrên ku yek ji endamên van hêzên tari ne çawa hêdi hêdi qesta jiyana wan dikin. Ligel ew qas wêrani, derbideri, êş û janên giran dilsoziya karakteran bi helbest, roman û çirokê re. İlhami Sidar, bi Janê, di vê romana kurt, lê bi derb de, bi zimanê helbesti, hêmayi, bi pênasekirina niviskar, helbestvan û filozofên mezin re awayeki ji awayan xwendevan bi xwe re dibe nava kakilê Janê. Janeke zirav, giran û bi qandi barê dirokeke ku hatiye qedexekirin biêş.