Jı El Qaide Heta Daışe

Rêxistinên çekdar ên islamist û paşxaneya wan mijara vê xebatê ne. Avabûn û çalakiyên bizavên wek El Qaide, DAIŞ, En Nusra, Boko Heram, El Şebab, Ensarul İslam, Cundullah-Ceyşul Edl, Heşda Şe’bi û hwd. di vê berhemê de cih digrin. Serpêhatiya serkirdeyên tundrev yên wek Ebdullah Ezzam, Usame Bin Ladin, Ebû Mûseb El Zerqawi, Ebûbekir El Bexdadi Ebû Muhemmed El Colani, Eymen El Zewahiri, Mele Fatih Kirêkar û hwd. ku bi daxuyani û çalakiyên xwe bala cihanê kişandine, bi berfirehi hatiye behskirin. El Qaide çawa derket? Çi faktoran di bihêzbûna Bin Ladin de rol list? Ferqa El Qaide û Talibanê çi ye? Rêxistinên wek DAIŞ û En Nusra çawa ji nav El Qaideyê derketin? Têkiliya Boko Heram, El Şebab û saziyên din bi El Qaideyê re çi ye? Kitêb, li bersiva van pirsan digere. Nakokiya di navbera Ezzam û Bin Ladin, niqaşa di nava Bin Ladin-El Zewahiri û Zerqawi de, cudabûna En Nusrayê ji DAIŞê, nelihevkirina Colani û Bexdadi û şerê En Nusra û DAIŞê bi sedemên xwe ve hatine vegotin. El Qaide li Kurdistanê çawa birêxistin bû, bandora wê li ser bizavên islami çi bû, tevgerên çekdar li vê derê çawa belav bûn, Zerqawi çawa ji İranê hat Kurdistanê û bi saziyên vir re têkili dani? Bersiva van pirsan û gelek pirsên din di vê xebatê de ye...