Ji Gotinen Peşiyan

Gotinên Pêşiyan Cewhera Zimanê Kurdi ne Zimanê Kurdi zimaneke dewlemend e. Miletê Kurd ji qedimtirin miletek e li ruyê dinê. Wek her mileteki, netewa Kurd ji di dirêjahiya hezarsalan da êş û elem, hest û dilşahiyên xwe, serboriyên jiyana xwe bi zimanê xwe ifade kiriye û mane lê barkiriye. Herwisa gelê Kurd çand, huner, hest û xisusiyetên xwe yên neteweyi bi saya ziman neqlê nifşên nû kiriye. Û bi vê awayi li himber gelek karesat û bablisokên diroki heta iro li ser piyan maye. Li vir giringiya Gotinên Pêşiyên me derdikevên holê. Mirov dikare bêje ku gotinên pêşiyên me cewhera zimanê Kurdi temsil dikin. Gotinên pêşiyan, bi kêm peyvan, lê mane û peyamên mezin ji me ra dibêjin. Gotinên pêşiyan di eyni wextê da dewlemendi û kurahiya zimanê Kurdi nişanê me didin. Pir caran yek gotinêke pêşiyan dikare ji pirtukek yan ji ji ansiklopediyek zêdetir fikr û peyaman ji me ra vebêje. Bi gotineke din, gotinên pêşiyan di dirêjahiya hezar salan da nisiline û gihiştine me; nifşên iro. Ew bi peyvên kin û kurt gelek tiştan xulase dikin û radixin ber çavên me.