Kawaye Deşta Suwaran

“Dibêjin, deşteka mezin bi navê Deşta Sûwaran hebûye. Ew deşt, dergûşa şaristaniyê, ji bo her tişti bûye cihê pêşin. Cara pêşin, mirov li wir bi cih bûne, koçeri berdane, pez xwedi kirine, dest bi şivantiyê kirine, zevi rakirine, ceh û genim lê ajotine, dest bi rêncberiyê kirine, gund û bajar ava kirine û dest bi bajarvaniyê kirine. Bajarên wan mezin bûne, xwedi paşa, mir û beg bûne. Paşayê wan Merdas yeki zana, mêrxas û cen gawer bû. Dilê wi germ û gelek xêrxaz bû. Gerzaneki bilind, dirêj û rengareng li serê wi bû. Por û biskên dirêj, rêşi, di bin gerzana wi de derdiket ser qolinca wi. Rihya wi ya spi, dirêj weki berfê, dadiket ser singa wi. Kiraseki dirêj, ji hevirmiş, rengê şin ê piroze lê bû. Merdas Paşa gelek samnak bû, biri û bijangên wi yên reş û gurr eniya wi digirt. Bi xof bû, dema yek lê mêze dikir, tirs diket zikê meriv. Lê di bin biri û bijan gên samnak de çavên wi yên germ dikeniyan.” Ev pirtûk ji bo zarokên 8-9-10-11-12 sali hatiye amadekirin.