Keybanu Ya Mala Musa

Lori lori... kurê min lori... Çavên xwe bigire, bila xewna te bibe mina zozanên me, Bila bina gulên çiyan ji singa te bê. Dayika te qurban, vê axê gelek derd ditin, Gelek ferman û zilm li ser vê xakê re derbas bûn. Me hêsirên xwe rijandin nav ava spi, Me êşa xwe di nav şikeftên tari de veşart. Lê tu rabe, mina taveke geş li ser lûtkeyan hiltê, Nebe xizmetkarê zilmê, bibe xizmetkarê heqiqetê lori... Lori lori... berxê min lori... Heya tu dibi mêreki camêr û serbilind, Heya tu dibi dengê kewên ser zinaran, Ez ê bi lorikan birinên te derman bikim. Xewa te bibe bihuşt, şiyarbûna te bibe azadi... Lori lori... canê dayika xwe lori...”