Kinyaze İbrahim Mirzoyev: Dile Min Bona Merivan Dikute

Di vê pirtûkê da behsa jiyan û karkirina zanyar-rohilatzan, Karmendê emekdar yê Komara Qazaxistanê, xelatgirê ordena «Құрмет» Kinyazê İbrahim Mirzoyev tê kirinê. Doktorê zimanzaniyê, profêsor, akademisyanê Akademiya Zanyari ya Navnetewi ya Dibistana Bilind û Akademiya Zanyariyên Civaki ya Qazaxistanê K. İ. Mirzoyev weke 50 salên xwe diyari pêşketina zanyariyê û perwerdehiyê kiriye. Ewi mamostatiya zaningehan kiriye, serokatiya dayireyên zanyari-pedagogiyê yên mezin kiriye û kedeke mezin kiriye nava edebiyeta zanyariyê da. Ew xudanê zêdeyi 500 nivisên zanyariyê ye, di nava wan da weke 30 berhem û pirtûkên perwerdehiyê-metodiyê. K. İ. Mirzoyev karê xwe yê profesyonaliyê bi êgini berdewam dike, serokati li kafedra filologiyayê û wergerê ya Rohilatê ya Zaningeha pedagogiyê ya Netewi ya Qazaxistanê ya ser navê Abay dike. Ew endamê Şêwra Assambleya gelên Qazaxistanê ye, serokê Yekitiya kurdên Komara Qazaxistanê ya bi navê «Berbang» e, endamê Yekitiya Niviskarên KQ û redaktorê sereke yê kovara edebi-wêjeyi, zanyari-civaki û ronahidariyê «Nûbar» e.