Kultur û Neteweperweri

Neteweperweriya kurdi aniha xwedi projeyeki ji hev cuda, beş bi beş, jêkdabiri û xwedi taybetiyeka herêmgeri ye. Her ji destpêkê ve, her perçeyên xwe di nav cografyayeka civaki û siyasi ya jêkdabiri, lawaz û wêraniyeka kulturi de ditiye. Ew, bereksê neteweperwerên ereb, fars û tirk, samaneka mezin a fikri, siyasi nebûye da ku binemayeka epistemolojik û ideolojik ji bo xwe durist bike û alikari hindê di pêwenda “xwe’’ û “wi’’ de, diyardeyên dewrûberan têbigihe, yan cure keleheka fikri û kulturi li hember êrişên kulturi û siyasi yên neteweyên serdest ji bo xwe dabin bike. Yani neteweperweriya kurdi, ji ber van şert û mercên diroki, bi bêhêzi û tênegehiştina xwe ve nekariye sistemeka fikri-ideolojiki û epistemolojiyeka taybet ji bo xwe hilberine, ku ji xwe û pêwendiyên di gel “ên ditir” û “wi’’ de, bi diyardeyên siyasi, ideolojik û kulturi ve saz bike, lê her hewl daye xwe li gel wan biguncine. Bereksê wê, di hemi qadên xwe ve çavlidesti neteweperweriya neteweya serdest û ronakbirên wan bûye. Ji sistema fikri-ideolojik ya wan ku berhema ezmûna civakên wan bûn, hinek çemk û tovên (toxim) epistemik û ideolojik wergirtine da ku rastiya civaka xwe pê ve biguncine. Min berê di çend kitêb û nivisarên din de işaret bi neteweperweriya kurdi kiribû. Ev kitêba berdest birrek behs li xwe digire, di vi wari de hewldanek din pêk tine. Dixwazim ronahi bixe ser hinek hêl û aliyên din yên neteweperweriya kurd, taybeti ji bi pêwendiyên digel kultura kurdi ve.