Kurde Bengi

Casimê Celil risipi û kedkareki wêje û zargotina Kurdan i Sovyetê ye. Helbestvanê hêja bi dileki şa û baristan, bi şêkirdari derheqa welatê xwe yi mezin û merivên wê de dinivise, li wi welati li ki derê pareke gelê wi bû xwediyê azadi û bextewariyê, gul veda û ket ser rêya pêşdeçûyinê. Afirandinên vê berevokê pesindariya jiyan û kirinêd merivên Sovyetê û mêrxasiya wan in; çawa di asta çêkirina wekheviyê de, wisa ji di rojên oxirmeyên giran de. Xên ji helbestan di berevokê de destana “Kilama Hozbek” û “Poêma şerkariyê” hatine bicikirin, kijan ji numûneyên kelepora Kurdan i baş in. Hêmaya şerkariya gelê Kurd i azadixwaziyê geleki nêziki dilê helbestvan e û bi vê hêmayê wi gelek afirandinêd giranbiha saz kiriye. Di nav helbestên bi keser de evindari weki ronayiyekê, weki findeke şabûn û dilxweşiyê şewqa xwe dide giyanê helbestvaniya wi. Evindariya wi ber bi zargotin û diroka gel e. Çapa yekemin a vê pirtûkê sala 1980’yi li Yêrêvanê ronayi ditiye. Afirandinêd vê berevokê nişan didin, weki helbestvanê me yi hezkiri, li salên xwe nanêre (wê çaxê ew êdi ji 70 sali derbastir e.) hê bi kela ciwantiyê ve diafirine. Ew pirtûk pişti çapkirina yekemin li Amedê, li Weşanxaneya Lisê ji bo bibe mal û milkê gelê Kurd tê weşandin.