Kurde ke Seba Hewara Dersimi Kişiyayi - Şex Evdırehim u Embaze Ey

J. İhsan Espari roportajê ke kesanê ciya-ciyayan reyde kerdê û kovaranê ciya-ciyayan de weşanayê nê kitabi de ardi pêser. Wendox eşkeno zanitişanê neweyan yê warê kultur û tarixê kurdan nê kitabi de doz bikero, biwano. Nê roportajan ra yew derheqê serebûtê (hediseyê) kişiyayişê birayê Şêx Seidi Şêx Evdirehim de yo. Wextê jenosidê Dêrsimi yê 1937i de Şêx Evdirehim û komêk embazê xo Suriye ra derbazê dewa Selata Jêrin ê Batmani benê ke şorê biresê hewara Dêrsimi. Tiya de esker dormeyê inan çarneno û ênê kiştene. No serebût sey xebere rojnameyanê ê wexti de zi êno weşanayene. Şêx Evdirehimo ke bereyanê (peşeng) Serewedaritişê Şêx Seidi ra yew biyo, wextê qirkerdişê şarê Dêrsimi de zi bêveng, bêteref nêvineto û seba şarê xocanê xo dayo.