Leheng Nafirin Niviskar Wan Difirinin

Bi teqandina gulleya ewil ya ji mala Heso re, ji mala Cibo jinek hatibû kuştin. Pişti vê kuştinê mala Cibo li pey tolhilandinê bûn lê nizanibûn yê çawa vê meseleya tolhildanê hel bikin. Gotin heger em ji biçin mêreki ji wan bikujin, ewê ji doza heyf ilanina mêreki bikin, na heger em ji biçin jinekê bikujin, ev li me nayê, ji me re dest nade. Mala Heso ji xwe mehçûb his dikir, ji ber ku heya niha di nava êl û eşiran de tu eşirekê ji eşireke din jin nekuştibû û bi kuştina jinekê xwe serkefti his nekiribûn. Hêdi hêdi navê mala jinkujan li wan bar dibû. Pişti bûyerê wext derbas bû, ne tenê li cem malbata kujeran û li cem malbata kuşti, li derdorê ji di meseleya tolhildanê de serê kesi ne zelal bû. Gelo mala Cibo yê heyfa xwe hilaniya? Û heger hilaniya yê çawa hilaniya?