Li Zindana Amede Kevokan Helinen Xwe Terk Kirin

Di du sed salên dawin de, encax kesên jiyabin dizanin êşkence û zordariyên ku hişê mirovan qebûl nake hatiye serê kurdan. Bi taybeti ji kiryarên ku dagirkeran li zindanan pêk anine, divê di seranserê diroka mirovahiyê de neyê jibirkirin. Hefsa Amedê ya No-5 ji van kiryaran ya heri zehf tê zanin, belki ji ya heri hovane ye. Pişti ku Aziz Nesin li pêkhatinên hefsa No-5 guhdar kir, hevokek wilo bi lêv kir: “Min digot qey ez xeyalên pir baş dikim. Pişti min li we guhdar kir, min dit ku kurd ji min çêtir xeyalan dikin”. Xeyalên ku li vê zindanê pêk hatine,di asta ku hişê ustad nastine de ne. İbrahim Goroz di pirtûka xwe de, neketiye hurgiliyên êşkenceyan, tenê serpêhatiyên xwe û bûyerên ku bi çavên xwe ditine nivisandiye. Helwesta xwe û hevalên xwe yên wê demê dibêje û şirove dike. Bi vêya, bixwe re ji dikeve nava muhasebeyek kûr a ûjdani.