Lirika Berbangê

Berhema pêşi ya Mewlûd Oguz, bi navê “Lirika Berbangê” derket. Berken Bereh bo şi’ra Mewlûd Oguz wiha dibêje: “Ev maweyek e bi baldari bala min li ser şi’ra me ye ku bi min qedr û qimetê ristin û lihevanina ahengê ya digel hizr û fikrê piçeki bi aloz dixuye. Ev ji rê nade ku avahiyeke şi’rê ya bi rêkûpêk bilind bibe. Lew şi’r ne tenê ji ruhsari û çawaniya wê tê. Divê derd û xemeke şi’rê hebe ku bixwaze bo destnişankirin û çareseriya wê ji hewl bide. Ku mebest ev be nexwe divê ‘duh’ ji bibe parçeyeki vê prosesê û li gor çarçoveya ‘duh-niha û sibe’ dirûv û teşe bigire. Bi kurti şi’ra dahatûyê dê bi berhevanin (total) û berdewamiya gişti pêk were. Dema bi hûrgili û bi baldari xwe bera hundirê şi’ra Mewlûd Oguz didi tu li vê rastiyê diwerqili, tu dibi şahidê vê helwesta wi ya ku her bi silavdayin û ji deynkirina peyvekê pêk tê. Ew bi xwendin û serdana xwe ya li dibistana yên beriya xwe, rist û şi’rên aram bi teql û efsûn lêdike. Wek ku bibêje, dixwazim şi’ra xwe bikime ‘nizam û intizamê.’ Mewlûd Oguz, bi ferhengeke henûn, dengeki aram û nerm û bi hizra xwe ya ku wek şekirê çayê têkeli ristan bûye, mizginiya şa’ireki ji me û xweser û resen radigihine me; bi kêrên porê xwe, lirika berbangê, bistanê stêran, şekirsêvekê, berberoya di rukûyê de, lêkereke kesk, hokereke sor, helwesteke pola, desthilata saadetê û hwd. ew hêma û lihevaninên vê rastiyê ne. ‘Lirika Berbangê’, çi civaki, çi takekesi, rengê coş û peroşiya me ye. Min bi tahm û zewqeke xweş şi’rên di vê pirtûkê de xwendin. ‘Pêjna lingê şaireki baş’ ji wan tê…”